Lawa ngamavesi eBhayibheli akhuluma ngawo eqondisa umzalwane
Mathewu 18 : 15 – 17
15 Futhi uma umfowenu ona kuwe, hamba umsole ninodwa naye; uma ekuzwa, umzuzile umfowenu.
16 Kodwa uma engakulaleli, thatha kanye nawe oyedwa noma ababili, ukuze ngomlomo wawofakazi ababili noma abathathu wonke amazwi aqiniswe.
17 Uma engasezwa, tshela ibandla;
KwabaseGalathiya 6 : 1
1 Bazalwane, uma umuntu ehlelwa yisiphambeko, nina bomoya mbuyiseni onjalo ngomoya wobumnene; uzinaka wena, funa ulingwe nawe.
KuThithu 3 : 10 – 11
10 Umuntu ongumhlubuki emva kokuyalwa kokuqala nokwesibili umlahle;
11 lisazi ukuthi onjalo uphambukisiwe, njalo uyona, ezilahlile yena.
2 kwabaseThesalonika 3 : 15
15 Nokho ningamthathi njengesitha, kodwa nimyale njengomzalwane.
2 kuThimothewu 4 : 2
2 Shumayela izwi; phuthuma ngenkathi, ingekho inkathi; sola, ukhuze, uyale ngakho konke ukubekezela nokufundisa.
1 kuThimothewu 5 : 20
20 Abonayo ubasole phambi kwabo bonke, ukuze labanye besabe.
KwabaseRoma 14 : 1 – 23
1 Obuthakathaka ekukholweni mamukeleni, kodwa kungabi ngokuphikisana.
2 Ngokuba omunye ukholwa ukuthi angadla konke; omunye obuthakathaka udla imifino.
3 Odlayo makangadeleli ongadli; futhi ongadliyo makangahluleli odlayo, ngokuba uNkulunkulu umamukele.
4 Ungubani wena owahlulela inceku yomunye na? ukuma noma ukuwa enkosini yaso. Yebo, uyakuphakanyiswa, ngokuba uNkulunkulu unamandla okummisa.
5 Omunye wazisa olunye usuku kunolunye, omunye wazisa izinsuku zonke. Yilowo nalowo makaqiniseke kweyakhe ingqondo.
6 Ohlonipha usuku ulugcina eNkosini; futhi lowo ongalunanzi usuku, eNkosini. Odlayo udla eNkosini, ngokuba ubonga uNkulunkulu; nongadliyo akadli ngenxa yeNkosi, futhi ubonga uNkulunkulu.
7 Ngokuba akakho phakathi kwethu oziphilela yena, akakho ozifela yena.
8 Ngokuba noma siphila, siphilela iNkosi; noma sifa, sifela iNkosi; ngakho-ke noma siphila, noma sifa, singabeNkosi.
9 Ngoba ngenxa yalokhu uKristu wafa, wabuye wavuka, waphila, ukuze abe yiNkosi yabafileyo nabaphilayo.
10 Kepha umahlulelani umfowenu na? Udelelani umfowenu na? ngoba sonke siyakuma phambi kwesihlalo sokwahlulela sikaKristu.
11 Ngokuba kulotshiwe ukuthi: “Kuphila kwami,” isho iNkosi, “amadolo onke ayakuguqa phambi kwami, nezilimi zonke ziyakudumisa uNkulunkulu.
12 Ngakho-ke yilowo nalowo kithi uyakuziphendulela kuNkulunkulu.
13 Ngakho-ke masingabe sisahlulelana, kepha kunalokho yahlulelani lokhu, ukuba kungabikho obeka isikhubekiso noma isikhubekiso endleleni yomzalwane.
14 Ngiyazi, futhi ngiyaqiniseka eNkosini uJesu, ukuthi akukho lutho oluyichilo ngokwalo;
15 Kepha uma umfowenu edabukiswa ngokudla, awusahambi ngokothando. Ungambhubhisi ngokudla kwakho, amfelayo uKristu.
16 Ngakho okuhle kwenu makungahlanjalazwa;
17 Ngokuba umbuso kaNkulunkulu awusikho ukudla nokunatha; kodwa ukulunga, lokuthula, lenjabulo kuMoya oNgcwele.
18 Ngokuba okhonza uKristu ngalezizinto uyemukeleka kuNkulunkulu, ukholekile ebantwini.
19 Ngakho-ke kasilandeleni izinto eziletha ukuthula lezinto esingakhana ngazo.
20 Ungawuchithi umsebenzi kaNkulunkulu ngokudla. Zonke izinto zihlanzekile; kodwa kubi kulowomuntu odla ngokukhubeka.
21 Kuhle ukungadli inyama, nokungaliphuzi iwayini, nokunye umfowenu akhubeka ngakho, akhubeke, noma abe buthakathaka.
22 Ulokholo na? ube nakho phambi kukaNkulunkulu. Ubusisiwe ongazilahliyo kulokho akuvumelayo.
23 Ongabazayo, uma edla, ulahliwe, ngokuba engadli ngokukholwa; ngokuba konke okungaveli ekukholweni kuyisono.
KwabaseRoma 16 : 17
17 Kepha ngiyanincenga, bazalwane, ukuba niqaphele ababanga ukwahlukana nezikhubekiso bephambene nesifundiso enasifundiswa nina; futhi ubagweme.
2 kuThimothewu 3 : 16 – 17
16 Yonke imibhalo iphefumulelwe nguNkulunkulu, ilungele ukufundisa, nokusola, nokuqondisa, nokuyala ekulungeni;
17 ukuze umuntu kaNkulunkulu aphelele, apheleliselwe yonke imisebenzi emihle.
UHezekeli 33 : 7 – 12
7 Ngakho wena, ndodana yomuntu, ngakubeka umlindi wendlu ka-Israyeli; ngakho-ke kumelwe uzwe izwi eliphuma emlonyeni wami futhi ubaxwayise ngokusuka kimi.
8 Uma ngithi komubi: ‘O mubi, niyakufa nokufa; uma ungakhulumi ukumxwayisa omubi endleleni yakhe, lowo omubi uyakufa ngobubi bakhe; kodwa igazi lakhe ngiyakulibiza esandleni sakho.
9 Kepha uma umxwayisa omubi endleleni yakhe ukuba abuye kuyo; uma engabuyi endleleni yakhe, uyakufa ebubini bakhe; kodwa uwusindisile umphefumulo wakho.
10 Ngakho-ke, ndodana yomuntu, khuluma kuyo indlu kaIsrayeli; Nisho kanje, nithi: “Uma iziphambeko zethu nezono zethu ziphezu kwethu, sibuna ngenxa yazo, siyakuphila kanjani na?
11 Wothi kubo: Kuphila kwami, isho iNkosi uJehova, kangithokozi ngokufa komubi; kodwa ukuthi omubi aphenduke endleleni yakhe nokuphila. Ngoba lizafelani lina ndlu kaIsrayeli?
12 Ngakho-ke, ndodana yomuntu, yisho kubantwana babantu bakini ukuthi: Ukulunga kolungileyo akuyikumsindisa ngosuku lwesiphambeko sakhe; ngobubi bakhe; futhi olungileyo ngeke akwazi ukuphila ngokulunga kwakhe ngosuku ona ngalo.
IzEnzo 20 : 28
28 Ziqapheleni nina nomhlambi wonke anibeke kuwo uMoya oNgcwele ukuba nibe ngababonisi bokwelusa ibandla likaNkulunkulu azithengele lona ngegazi lakhe.
KuThithu 3 : 10
10 Umuntu ongumhlubuki emva kokuyalwa kokuqala nokwesibili umlahle;
KumaHeberu 10 : 24 – 25
24 Asicabangelaneni ukuze sivuselelane othandweni nasemisebenzini emihle;
25 singakuyeki ukuhlangana kwethu njengomkhuba wabanye; kodwa sikhuthazane, ikakhulu njengoba libona usuku lusondela.
2 kuThimothewu 3 : 16
16 Yonke imibhalo iphefumulelwe nguNkulunkulu, ilungele ukufundisa, nokusola, nokuqondisa, nokuyala ekulungeni;
1 kaJohane 1 : 9
9 Uma sizivuma izono zethu, uthembekile, ulungile, ukuba asithethelele izono, asihlambulule kukho konke ukungalungi.
Mathewu 5 : 23 – 24
23 Ngakho uma uletha umnikelo wakho e-altare, ukhumbula lapho ukuthi umfowenu unokuthile ngawe;
24 Shiya lapho umnikelo wakho phambi kwe-altare, uhambe; qala ubuyisane nomfowenu, andukuba uze unikele umnikelo wakho.
2 kwabaseKorinte 2 : 7
7 Ngakho-ke kufanele nimthethelele, nimduduze, funa onjalo agwinywe usizi olukhulu.
Leave a Reply