Lawa ngamavesi eBhayibheli akhuluma ngawo ukukhula olwazini
2 kaPetru 3 : 18
18 Kepha khulani emseni nasekwazini iNkosi noMsindisi wethu uJesu Kristu. Inkazimulo mayibe kuye manje kuze kube phakade. Amen.
1 kaPetru 2 : 2
2 Njengezingane ezisanda kuzalwa langazelelani ubisi lwezwi olungenakonakala, ukuze nikhule ngalo;
KwabaseFilipi 1 : 9
9 Nalokhu ngiyakhuleka ukuba uthando lwenu luvame kakhulu ekwazini nasekuqondeni konke;
EkaJokobe 1 : 17
17 Izipho zonke ezinhle neziphiwo zonke ezipheleleyo zivela phezulu, zehla kuYise wokukhanya okungekho kuye ukuguquka nasithunzi sokuphenduka.
KumaHeberu 11 : 6
6 Kepha ngaphandle kokukholwa akwenzeki ukumthokozisa, ngokuba ozayo kuNkulunkulu umelwe ukukholwa ukuthi ukhona nokuthi ungumvuzi walabo abamfunayo.
2 kuThimothewu 3 : 16 – 17
16 Yonke imibhalo iphefumulelwe nguNkulunkulu, ilungele ukufundisa, nokusola, nokuqondisa, nokuyala ekulungeni;
17 ukuze umuntu kaNkulunkulu aphelele, apheleliselwe yonke imisebenzi emihle.
Kwabase-Efesu 4 : 15
15 Kodwa sikhuluma iqiniso othandweni, sikhulele kuye ezintweni zonke, oyinhloko, uKristu;
2 kuThimothewu 2 : 15
15 Khuphela ukuba uziveze uthembekile kuNkulunkulu, isisebenzi esingenamahloni, esiqondisa kahle izwi leqiniso.
Leave a Reply