Lawa ngamavesi eBhayibheli akhuluma ngawo abangakholwa
2 kaJohane 1 : 9 – 11
9 Lowo oweqayo, njalo engahlali emfundisweni kaKristu, kalaNkulunkulu; Lowo ohlala emfundisweni kaKristu unabo bobabili uYise neNdodana.
10 Uma kufika umuntu kini engalethi lesi sifundiso, ningamamukeli endlini yenu, ningambulisi;
11 Ngoba lowo ombingelelayo uhlanganyela emisebenzini yakhe emibi.
2 kwabaseKorinte 6 : 14
14 Maningaboshelwa ejokeni linye nabangakholwayo; ngokuba kunakuhlanganyela kuni ukulunga nokungalungi na? Kunakuhlanganyela kuni ukukhanya nobumnyama na?
1 kwabaseKorinte 15 : 33
33 Ningakhohliswa; ukujwayelana nababi konakalisa ukuziphatha okuhle.
1 kwabaseKorinte 7 : 13 – 14
13 Nowesifazane onendoda engakholwayo, futhi uma ivuma ukuhlala naye, angayishiyi.
14 Ngokuba indoda engakholwayo ingcwelisiwe ngomfazi, nomfazi ongakholwayo ungcwelisiwe ngendoda; uma kungenjalo abantwana benu ngabe bangcolile; kodwa manje bangcwele.
1 kwabaseKorinte 5 : 9 – 13
9 Ngalibhalela encwadini ukuthi lingahlangani leziphingi;
10 Kodwa kungeyisikho kanye leziphingi zalumhlaba, kumbe labahahayo, labaphangi, loba abakhonza izithombe; ngokuba uma kunjalo nimelwe ukuphuma emhlabeni.
11 Kodwa khathesi-ke ngilibhalela ukuthi lingahlangani loba ngubani othiwa ungumzalwane eyisifebe, kumbe isihwaba, kumbe okhonza izithombe, kumbe isithuki, kumbe isidakwa, kumbe umphangi; onjalo lingadli.
12 Ngokuba nginamsebenzi muni ukuba ngahlulele nabangaphandle na? Anibahluleli yini abangaphakathi na?
13 Kodwa uNkulunkulu uyabahlulela abangaphandle. Ngakho susani phakathi kwenu lowomuntu omubi.
2 IziKronike 15 : 12 – 13
12 Benza isivumelwano sokumfuna uJehova uNkulunkulu wawoyise ngayo yonke inhliziyo yabo nangawo wonke umphefumulo wabo;
13 ukuze wonke umuntu ongayifuniyo uJehova uNkulunkulu ka-Israyeli kufanele abulawe, omncane noma omkhulu, noma owesilisa noma owesifazane.
Mathewu 7 : 21 – 23
21 Akusibo bonke abathi kimi: Nkosi, Nkosi, abayakungena embusweni wezulu; kodwa lowo owenza intando kaBaba osezulwini.
22 Abaningi bayakuthi kimi ngalolo suku: Nkosi, Nkosi, asiprofethanga yini egameni lakho na? ngegama lakho bakhipha amademoni na? futhi ngegama lakho senze izimangaliso eziningi na?
23 Khona ngiyakufakaza kubo ukuthi: Angizange nginazi; sukani kimi nina benzi bokubi.
2 kwabaseKorinte 4 : 4
4 okukubo unkulunkulu walelizwe uphuphuthekisile ingqondo yabangakholwayo, ukuze kungasi kubo ukukhanya kwevangeli lenkazimulo kaKristu ongumfanekiso kaNkulunkulu.
Johane 3 : 16
16 Ngokuba uNkulunkulu walithanda izwe kangaka, waze wanikela ngeNdodana yakhe ezelwe yodwa, ukuba yilowo nalowo okholwa yiyo angabhubhi, kodwa abe nokuphila okuphakade.
1 kwabaseKorinte 7 : 12 – 24
12 Kepha kwabanye ngithi mina, akusho iNkosi: Uma umzalwane enomfazi ongakholwayo, yena-ke evuma ukuhlala naye, makangamlahli.
13 Nowesifazane onendoda engakholwayo, futhi uma ivuma ukuhlala naye, angayishiyi.
14 Ngokuba indoda engakholwayo ingcwelisiwe ngomfazi, nomfazi ongakholwayo ungcwelisiwe ngendoda; uma kungenjalo abantwana benu ngabe bangcolile; kodwa manje bangcwele.
15 Kepha uma ongakholwayo ehlukana naye, makamuke; Umzalwane noma umzalwanekazi akaboshiwe kokunjalo, kepha uNkulunkulu usibizele ekuthuleni.
16 Ngokuba wazini wena mfazi, ukuthi awuyikusindisa indoda yakho na? Wena ndoda, wazi ngani ukuthi uyakumsindisa umkakho na?
17 Kodwa njengalokho uNkulunkulu emabele yilowo nalowo, njengalokho iNkosi imbizile yilowo nalowo, makahambe kanjalo. Ngiyala kanjalo emabandleni onke.
18 Ukhona yini obizwe esokile? makangabi ngongasoki. Ukhona yini obizwe engasokile na? makangasoki.
19 Ukusoka akulutho, nokungasoki akulutho, kodwa ukugcina imiyalo kaNkulunkulu.
20 Akube yilowo nalowo ahlale ekubizweni abizwe ekukho.
21 Ubizwe uyisigqila na? ungakhathazeki, kepha uma ungakhululwa, kusebenzise kakhulu.
22 Ngokuba obiziweyo yiNkosi eyisigqila, ungokhululekile weNkosi;
23 Nithengwa ngenani; ningabi yizigqila zabantu.
24 Bazalwane, yilowo nalowo makahlale kuNkulunkulu kulokho abizwe ekukho.
1 kwabaseKorinte 7 : 12
12 Kepha kwabanye ngithi mina, akusho iNkosi: Uma umzalwane enomfazi ongakholwayo, yena-ke evuma ukuhlala naye, makangamlahli.
Johane 9 : 30 – 33
30 Umuntu waphendula, wathi kubo: Kungani kulokhu kuyisimangaliso, ukuthi nina anazi lapho avela khona, nokho uvule amehlo ami.
31 Siyazi ukuthi uNkulunkulu akazizwa izoni;
32 Selokhu kwaqala akuzange kuzwakale ukuthi ukhona owavula amehlo ozelwe eyimpumputhe.
33 Uma lo ebengaveli kuNkulunkulu, ubengenakukwenza lutho.
EkaJokobe 1 : 22 – 25
22 Kepha yibani ngabenzi bezwi, ningabi abalizwayo kuphela, nizikhohlisa.
23 Ngokuba uma umuntu engolizwayo izwi, engeyena umenzi, lowo ufana nomuntu obuka ubuso bakhe bemvelo engilazini;
24 Ngokuba uyazibuka, asuke, akhohlwe masinyane ukuthi ubengumuntu onjani.
25 Kepha obheka emthethweni opheleleyo wenkululeko, aqhubeke kuwo, engesiye ozwayo okhohlwayo, kodwa umenzi womsebenzi, lowo uyakuba-busisiwe ekwenzeni kwakhe.
2 kwabaseThesalonika 3 : 6
6 Kepha siyaniyala, bazalwane, egameni leNkosi yethu uJesu Kristu, ukuba nihlukane nabo bonke umzalwane ohamba ngokungafanele, kungengokwesiko elawamukela kithi.
Johane 1 : 1 – 51
1 Ekuqaleni wayekhona uLizwi, uLizwi wayekuNkulunkulu, uLizwi wayenguNkulunkulu.
2 Yena lowo wayekhona ekuqaleni kuNkulunkulu.
3 Zonke izinto zenziwa nguye; ngaphandle kwakhe akubangakho lutho olwenziwe.
4 Kuye kwakukhona ukuphila; futhi ukuphila kwakungukukhanya kwabantu.
5 Ukukhanya kukhanya ebumnyameni; ubumnyama abukwamukelanga.
6 Kwavela umuntu ethunyiwe nguNkulunkulu, igama lakhe linguJohane.
7 Yena wezela ubufakazi, ukuze afakaze ngokukhanya, ukuze bonke bakholwe ngaye.
8 Yena wayengesikho ukukhanya, kepha wayengofakazi bokukhanya.
9 Kwakungukukhanya okuqinisileyo okukhanyisa wonke umuntu, okwase kuza ezweni.
10 Wayekhona ezweni, izwe lenziwa ngaye, kepha izwe alimazanga.
11 Weza kokwakhe, abakhe abamamukelanga.
12 Kepha bonke abamamukelayo wabapha amandla okuba babe ngabantwana bakaNkulunkulu, labo abakholwa egameni lakhe;
13 Abazalwa kungengagazi, noma ngentando yenyama, noma ngentando yomuntu, kodwa nguNkulunkulu.
14 ULizwi waba yinyama, wakha phakathi kwethu, sabona inkazimulo yakhe, inkazimulo njengeyozelwe yedwa kuYise, egcwele umusa neqiniso.
15 UJohane wafakaza ngaye, wamemeza wathi: “Nguyena lo ebengisho ngaye ukuthi: ‘Lowo ozayo emva kwami mkhulu kunami, ngokuba wayekhona kuqala kunami.
16 Ekugcwaleni kwakhe samukele sonke umusa phezu komusa.
17 Ngokuba umthetho wanikezwa ngoMose, umusa neqiniso kwavela ngoJesu Kristu.
18 Akakho oke wabona uNkulunkulu; iNdodana ezelwe yodwa esesifubeni sikaYise yiyona embonakalisile.
19 Lokhu kungubufakazi bukaJohane mhla abaJuda bethuma abapristi namaLevi bephuma eJerusalema ukuba bambuze ukuthi: “Wena ungubani na?
20 Wavuma, akaphika; kodwa wavuma wathi: Mina kangisiye uKristu.
21 Basebembuza bathi: Pho? Ungu-Eliya na? Wathi: Kangisuye. Unguye lowomprofethi na? Yaphendula yathi: Hatshi.
22 Base bethi kuye: “Ungubani na? ukuze siphendule abasithumileyo uthini ngawe?
23 Wathi: “Mina ngiyizwi lomemeza ehlane, ethi: ‘Lungisani indlela yeNkosi,’ njengalokho washo u-Isaya umprofethi.
24 Lababethunyiwe babevela kubaFarisi.
25 Bambuza-ke, bathi kuye: “Pho, ubhapathizelani, uma ungesiye uKristu, no-Eliya, noma lowomprofethi na?
26 UJohane wabaphendula wathi: “Mina ngibhapathiza ngamanzi, kepha kumi phakathi kwenu eningamaziyo;
27 nguye oza emva kwami, omi phambi kwami, engingafanele ukuthukulula umchilo wesicathulo sakhe.
28 Lezo zinto zenzeka eBethabara ngaphesheya kweJordani, lapho uJohane wayebhapathiza khona.
29 Ngangomuso wabona uJesu eza kuye, wathi: “Bheka, iWundlu likaNkulunkulu, elisusa izono zezwe.
30 Nguye ebengisho ngaye ukuthi: ‘Emva kwami kuza umuntu owavela ngaphambi kwami, ngokuba wayekhona kuqala kunami.
31 Nami bengingamazi, kodwa ukuze abonakaliswe ku-Israyeli, ngalokho ngizile ngibhapathiza ngamanzi.
32 UJohane wafakaza wathi: “Ngabona uMoya ehla ezulwini njengejuba, wahlala phezu kwakhe.
33 Nami bengingamazi, kodwa owangithuma ukubhapathiza ngamanzi, nguyena wathi kimi: “Lowo ozakubona uMoya ehla ahlale phezu kwakhe, nguyena obhapathiza ngoMoya oNgcwele.
34 Mina ngibonile, ngafakaza ukuthi lo uyiNdodana kaNkulunkulu.
35 Ngangomuso futhi wayemi uJohane nababili kubafundi bakhe;
36 Ebona uJesu ehamba, wathi: “Bheka, iWundlu likaNkulunkulu!
37 Abafundi ababili bezwa ekhuluma, bamlandela uJesu.
38 UJesu waphenduka, wababona belandela, wathi kubo: Nifunani na? Basebesithi kuye: Rabi, (okutsho ukuthi, Mfundisi,) uhlala ngaphi?
39 Wathi kubo: Wozani nibone. Beza babona lapho ehlala khona, bahlala naye lolo suku, ngokuba kwakungaba yihora leshumi.
40 Omunye wababili abezwa uJohane ekhuluma bamlandela wayengu-Andreya umfowabo kaSimoni Petru.
41 Yena wafumana kuqala umfowabo uSimoni, wathi kuye: “Simfumene uMesiya” okungukuthi ngokuhunyushwa uKristu.
42 Yamletha kuJesu. UJesu embuka wathi: “Wena unguSimoni kaJona;
43 Ngangomuso wafuna ukuphuma aye eGalile, wafumana uFiliphu, wathi kuye: “Ngilandele.
44 UFiliphu wayengowaseBetsayida, umuzi ka-Andreya noPetru.
45 UFiliphu wafumana uNathanayeli, wathi kuye: “Simfumene lowo aloba ngaye emthethweni uMose kanye nabaprofethi, uJesu waseNazaretha, indodana kaJosefa.
46 UNathanayeli wasesithi kuye: Kambe kukhona into enhle evela eNazaretha? UFiliphu wathi kuye: Woza ubone.
47 UJesu wabona uNathanayeli eza kuye, wathi ngaye: “Bheka, umIsrayeli okungekho nkohliso kuye.
48 UNathanayeli wathi kuye: “Ungazelaphi na? UJesu waphendula, wathi kuye: Ngaphambi kokuthi uFiliphu akubize, uphansi komkhiwane, ngakubona.
49 UNathanayeli waphendula, wathi kuye: “Rabi, wena uyiNdodana kaNkulunkulu; wena uyiNkosi yakwa-Israyeli.
50 UJesu waphendula, wathi kuye: Uyakholwa ngokuba ngithe kuwe ngikubone uphansi komkhiwane? uzabona izinto ezinkulu kulalezi.
51 Wathi kuye: “Ngiqinisile, ngiqinisile ngithi kini: Niyakubona izulu livulekile, nezingelosi zikaNkulunkulu zenyuka zehla phezu kweNdodana yomuntu.
Johane 14 : 12
12 Ngiqinisile, ngiqinisile ngithi kini: Okholwa yimi, imisebenzi engiyenzayo mina naye uyakuyenza; nemikhulu kunale uyakuyenza; ngoba mina ngiya kuBaba.
2 kuThimothewu 3 : 16 – 17
16 Yonke imibhalo iphefumulelwe nguNkulunkulu, ilungele ukufundisa, nokusola, nokuqondisa, nokuyala ekulungeni;
17 ukuze umuntu kaNkulunkulu aphelele, apheleliselwe yonke imisebenzi emihle.
Amahubo 14 : 1
1 Kumholi wokuhlabelela, ihubo likaDavide. Isiwula sathi enhliziyweni yaso: Akakho uNkulunkulu. Bakhohlakele, benze izinto ezinyantisayo, akekho owenza okuhle.
UDuteronomi 7 : 3 – 4
3 Aniyikugana nabo; awuyikunika indodana yakhe indodakazi yakho, nendodakazi yakhe awuyikuthathela indodana yakho.
4 Ngokuba bayakuyisusa indodana yakho kimi, ikhonze abanye onkulunkulu; kanjalo intukuthelo kaJehova iyakuvuthela, anibhubhise masinyane.
Leave a Reply