Lawa ngamavesi eBhayibheli akhuluma ngawo emukela umoya ongcwele
IzEnzo 2 : 38
38 UPetru wayesethi kubo: “Phendukani, yilowo nalowo abhapathizwe egameni likaJesu Kristu kukho ukuthethelelwa kwezono, khona niyakwamukeliswa isiphiwo sikaMoya oNgcwele.
IzEnzo 19 : 6
6 UPawuli esebeke izandla phezu kwabo, uMoya oNgcwele wehlela phezu kwabo; bakhuluma ngezilimi, baprofetha.
Luka 11 : 13
13 Ngakho-ke uma nina enibabi nikwazi ukubapha abantwana benu izipho ezinhle, kakhulu kangakanani uYihlo osezulwini uzakubapha abacela kuye uMoya oNgcwele na?
Johane 3 : 5
5 UJesu waphendula wathi: Ngiqinisile, ngiqinisile ngithi kuwe: Ngaphandle kokuthi umuntu azalwe ngamanzi langoMoya, angengene embusweni kaNkulunkulu.
Kwabase-Efesu 1 : 13
13 Enimethembayo nani, seselizwile izwi leqiniso, ivangeli lokusindiswa kwenu;
IzEnzo 1 : 8
8 Kepha nizakwamukeliswa amandla, uMoya oNgcwele esefikile phezu kwenu, nibe ofakazi bami eJerusalema, naseJudiya lonke, naseSamariya, kuze kube sekugcineni komhlaba.
Johane 7 : 37 – 39
37 Kwathi ngosuku lokugcina olukhulu lomkhosi uJesu wema wamemeza wathi: “Uma ekhona owomileyo, akeze kimi, aphuze.
38 Okholwa yimi, njengokusho kombhalo, kugobhoza esiswini sakhe imifula yamanzi aphilayo.
39 (Kepha lokhu wakusho ngoMoya ababezakwamukeliswa abakholwa nguye, ngokuba uMoya wayengakafiki, ngokuba uJesu wayengakakhazinyuliswa.)
IzEnzo 2 : 4
4 Base begcwala bonke uMoya oNgcwele, baqala ukukhuluma ngezinye izilimi, njengalokho uMoya wabapha ukuphumisela.
KwabaseRoma 8 : 26
26 Ngokunjalo noMoya uyasisiza ebuthakathakeni bethu, ngokuba asikwazi esingakucela ngokufanele, kepha uMoya uqobo usikhulekela ngokububula okungenakuphinyiselwa.
IzEnzo 1 : 4
4 Kwathi esebuthene labo, wabalaya ukuthi bangasuki eJerusalema, kodwa balindele isithembiso sikaBaba, elasizwa ngami.
IzEnzo 1 : 5
5 Ngokuba uJohane wayebhapathiza ngamanzi; kodwa lina lizabhabhathizwa ngoMoya oNgcwele kungakadluli insuku ezinengi.
UJoweli 2 : 28 – 29
28 Emva kwalokho ngiyakuthulula uMoya wami phezu kwayo yonke inyama; amadodana enu namadodakazi enu ayakuprofetha, amaxhegu enu aphuphe amaphupho, nezinsizwa zenu zibone imibono.
29 Naphezu kwezinceku nezincekukazi ngiyakuthulula uMoya wami ngalezo zinsuku.
IzEnzo 2 : 1 – 4
1 Selufikile usuku lwePhentekoste, babendawonye bonke nganhliziyonye.
2 Kwathi kungazelelwe kwezwakala umsindo uvela ezulwini njengowomoya ovunguza ngamandla, wagcwalisa indlu yonke ababehlezi kuyo.
3 Kwabonakala kubo izilimi ezihlukene kungathi ezomlilo, zahlala phezu kwalowo nalowo wabo.
4 Base begcwala bonke uMoya oNgcwele, baqala ukukhuluma ngezinye izilimi, njengalokho uMoya wabapha ukuphumisela.
IzEnzo 19 : 1 – 6
1 Kwathi u-Apholo eseKorinte, uPawulu esedabule izwe eliphezulu, wafika e-Efesu;
2 Wathi kubo: “Namukele uMoya oNgcwele selokhu nakholwa na? Base bethi kuye: “Asikaze sizwe ukuthi kukhona uMoya oNgcwele.”
3 Wathi kubo: Pho nabhabhathizwa kuyiphi na? Basebesithi: Kubhabhathizo lukaJohane.
4 UPawuli wasesithi: UJohane wabhabhathiza umbhabhathizo wokuphenduka, esithi ebantwini ukuthi bakholwe kuye ozayo emva kwakhe, onguKristu Jesu.
5 Kwathi ukuzwa lokho, babhapathizwa egameni leNkosi uJesu.
6 UPawuli esebeke izandla phezu kwabo, uMoya oNgcwele wehlela phezu kwabo; bakhuluma ngezilimi, baprofetha.
Luka 3 : 16
16 UJohane waphendula, wathi kubo bonke: Mina nginibhapathiza ngamanzi; kodwa uyeza onamandla kunami, engingafanele ukuwuthukulula umchilo wezicathulo zakhe;
1 kwabaseKorinte 14 : 1 – 40
1 Landelani uthando, nithande iziphiwo zomoya, kodwa kakhulu ukuba niprofethe.
2 Ngokuba okhuluma ngezilimi akakhulumi kubantu, kodwa kuNkulunkulu; kodwa ngomoya ukhuluma izimfihlakalo.
3 Kepha oprofethayo ukhuluma kubantu kube ngukwakha, nokuyala, nokududuza.
4 Okhuluma ngezilimi uyazakha yena; kodwa oprofethayo wakha ibandla.
5 Ngiyathanda ukuba nonke nikhulume ngezilimi, kodwa kakhulu ukuba niprofethe, ngokuba oprofethayo mkhulu kunalowo okhuluma ngezilimi, uma engahumushi, ukuze ibandla lakheke.
6 Manje, bazalwane, uma ngiza kini ngikhuluma ngezilimi, ngiyakunisiza ngani, uma ngingakhulumi kini noma ngokwambulelwa, noma ngokwazi, noma ngokuprofetha, noma ngesifundiso na?
7 Nezinto ezingenakuphila ezikhalayo, noma umtshingo noma ihabhu, uma zingahlukanisi ukukhala, kuyokwaziwa kanjani okubethwayo noma okubethwa ngehabhu na?
8 Ngokuba uma icilongo likhala ngezwi elingaqondakaliyo, ngubani ongazilungisela ukulwa na?
9 Kanjalo nani, uma ningakhulumi ngolimi amazwi aqondakalayo, kuyokwaziwa kanjani okukhulunywayo na? ngoba lizakhulumela emoyeni.
10 Kukhona, noma kungenzeka, imihlobo eminingi kangaka yokukhuluma emhlabeni, futhi akukho neyodwa kuzo engasho lutho.
11 Ngakho uma ngingazi incazelo yezwi, ngiyoba ngowezizwe kokhulumayo, nokhulumayo uyakuba ngowezizweni kimi.
12 Kanjalo nani, lokhu nishisekela iziphiwo zomoya, funani ukuba nibe nabengeziwe, kwakhiwe ibandla.
13 Ngakho-ke okhuluma ngezilimi makakhulekele ukuba ahumushe.
14 Ngokuba uma ngikhuleka ngezilimi, kukhuleka umoya wami, kepha ingqondo yami ayinasithelo.
15 Kuyini pho? ngiyakukhuleka ngomoya, ngikhuleke nangengqondo futhi, ngihube ngomoya, ngihube nangengqondo futhi.
16 Uma kungenjalo, nxa ubonga ngomoya, lowo ohlezi endaweni yongafundile angasho kanjani ukuthi Amen ekubongeni kwakho, lokhu engakwazi okushoyo na?
17 Ngokuba nempela wena ubonga kahle, kepha omunye akakhiwa.
18 Ngiyambonga uNkulunkulu wami, ngokuba ngikhuluma ngezilimi kakhulu kunani nonke;
19 Kodwa ebandleni kungcono ngikhulume amazwi amahlanu ngengqondo yami, ukuze ngifundise labanye, kulokukhuluma amazwi azinkulungwane ezilitshumi ngendimi.
20 Bazalwane, ningabi ngabantwana ngokuqonda, nokho ebubini nibe ngabantwana, kepha ekuqondeni nibe ngamadoda.
21 Kulotshiwe emthethweni ukuthi: “Ngabezinye izilimi nangezinye izindebe ngiyakukhuluma kulababantu; kepha nokho konke lokho abayikungizwa, isho iNkosi.
22 Ngakho-ke izilimi ziyisibonakaliso kwabakholwayo, kungesikho kwabakholwayo, kepha ukuprofetha akusikho okwabangakholwayo kodwa okwabakholwayo.
23 Ngakho-ke uma ibandla lonke libuthene ndawonye, bakhulume bonke ngezilimi, bese kungena abangafundile noma abangakholwayo, abazukusho yini ukuthi niyahlanya na?
24 Kepha uma bonke beprofetha, kungene ongakholwayo noma ongafundile, uyovunywa yibo bonke, ahlulelwe yibo bonke;
25 ngokunjalo izimfihlo zenhliziyo yakhe zibonakaliswa; kanjalo uyakuwa ngobuso bakhe, akhuleke kuNkulunkulu, asho ukuthi uNkulunkulu phakathi kwenu ngeqiniso.
26 Kunjani-ke, bazalwane? Lapho nibuthana, yilowo nalowo unehubo, noma isifundiso, unolimi, noma isambulo, unokuhumusha. Konke makwenziwe kube ngukwakha.
27 Uma umuntu ekhuluma ngezilimi, kakube ngababili, bangadluli kwabathathu, badedelane; omunye atolike.
28 Kepha uma kungekho umhumushi, makathule ebandleni; futhi makakhulume yedwa, futhi noNkulunkulu.
29 Abaprofethi mabakhulume ababili noma abathathu, abanye bahlulele.
30 Uma kwembulwa utho komunye ohlezi khona, makathule owokuqala.
31 Ngokuba ningaprofetha nonke ngabanye ngabanye, ukuze bonke bafunde, baduduzwe bonke.
32 Imimoya yabaprofethi ithobela abaprofethi.
33 Ngokuba uNkulunkulu akasiye owesiphithiphithi, kodwa ngowokuthula, njengakuwo wonke amabandla abangcwele.
34 Abesifazane benu mabathule emabandleni, ngokuba abavunyelwe ukukhuluma; kepha bayalwa ukuba balalele, njengokuba usho nomthetho.
35 Uma befuna ukufunda utho, mababuze emadodeni abo emakhaya, ngokuba kuyihlazo kwabesifazane ukukhuluma ebandleni.
36 Yini? izwi likaNkulunkulu laphuma kini na? noma lafika kinina nodwa na?
37 Uma umuntu ethi ungumprofethi, noma ethi ungowomoya, makaqonde ukuthi lokhu enginilobela khona kuyimiyalo yeNkosi.
38 Kepha uma umuntu engazi, makangabi nakwazi.
39 Ngakho-ke, bazalwane, fisani ukuprofetha, ningakuvimbeli ukukhuluma ngezilimi.
40 Konke kakwenziwe ngemfanelo langokulandelana.
Johane 1 : 1
1 Ekuqaleni wayekhona uLizwi, uLizwi wayekuNkulunkulu, uLizwi wayenguNkulunkulu.
2 kwabaseKorinte 5 : 17
17 Ngakho uma umuntu ekuKristu, uyisidalwa esisha; bheka, sekuvele okusha.
Johane 4 : 10 – 14
10 UJesu waphendula wathi kuye: Uba ubusazi isipho sikaNkulunkulu, lokuthi ngubani othi kuwe: Nginathisa; ubuyakucela kuye, yena ubeyakukunika amanzi aphilayo.
11 Owesifazane wathi kuye: “Nkosi, kawunalutho lokukha, nomthombo ujulile; uwathathephi lawo manzi aphilayo na?
12 Wena umkhulu yini kunobaba uJakobe owasinika lo mthombo, waphuza kuwo yena, nabantwana bakhe, nezinkomo zakhe, na?
13 UJesu waphendula wathi kuye: “Yilowo nalowo ophuza lawa manzi uyakubuye ome;
14 Kepha lowo ophuza amanzi engiyakumnika wona kasayikoma naphakade; kodwa amanzi engizamnika wona azakuba kuye umthombo wamanzi aphuphumayo empilweni elaphakade.
Leave a Reply