पराल

यी बाइबल पदहरू हुन् जसले कुरा गर्छन् पराल

प्रस्‍थान 15 : 7
7 तपाईंका विरुद्धमा उठ्‌नेहरूलाई तपाईंका गौरवको उच्‍चतामा तपाईंले तल झार्नुभयो। तपाईंले आफ्‍नो जल्‍दो क्रोध प्रकट गर्नुभयो, र त्‍यसले उनीहरूलाई ठोसाझैँ भस्‍म पार्‍यो।

अय्‍यूब 21 : 18
18 दुष्‍ट मानिस कति पल्‍ट बतासमा परालको टुक्राझैँ, र हुरीले उड़ाएको भुसझैँ हुन्‍छ र?

भजनसंग्रह 83 : 13
13 हे मेरा परमेश्‍वर, तिनीहरूलाई यताउति पल्‍टाइने झार र बतासले उड़ाएको भुसझैँ तुल्‍याउनुहोस्‌।

यशैया 5 : 24
24 यसैकारण जसरी आगोको ज्‍वालाले पराललाई भस्‍म गर्दछ, र सुकेको घाँस ज्‍वालामा भस्‍म हुन्‍छ, त्‍यसै गरी तिनीहरूका जरा सड़ेर जानेछन्, र तिनीहरूका फूल धूलो उड़ेझैँ उड़ेर जानेछन्‌। किनभने तिनीहरूले सर्वशक्तिमान्‌ परमप्रभुको व्‍यवस्‍थालाई इन्‍कार गरेका छन्, र इस्राएलका परमपवित्रको वचनलाई हेला गरेका छन्‌।

यशैया 40 : 24
24 तिनीहरू रोपिनासाथै, छरिनासाथै, तिनीहरूले जमिनमा जरा हाल्‍नासाथै, उहाँले तिनीहरूलाई फुकिदिनुहुन्‍छ र तिनीहरू ओइलाइहाल्‍छन्, र आँधीले तिनीहरूलाई भुसजस्‍तै उड़ाएर लैजान्‍छ।

यशैया 41 : 2
2 उहाँको सेवा गर्न धार्मिकतामा बोलाउँदै कसले पूर्व दिशाबाट एक जनालाई उत्तेजित गरेको छ? उहाँले जाति-जातिहरूलाई तिनको अधीनमा पारिदिनुहुन्‍छ, र राजाहरूलाई तिनको सामुन्‍ने आफ्‍नो अधिकारमा ल्‍याउनुहुन्‍छ। तिनले उनीहरूलाई आफ्‍नो तरवारले धूलोजस्‍तै र आफ्‍नो धनुले उड़ाएको भुसजस्‍तै पारिदिन्‍छन्‌।

यशैया 47 : 14
14 निश्‍चय नै तिनीहरू ठुटाजस्‍तै छन्‌। आगोले तिनीहरूलाई जलाउनेछ। आगोका ज्‍वालाको शक्तिबाट तिनीहरू आफैलाई बचाउन सक्‍दैनन्‌। यहाँ कसैलाई आगो ताप्‍ने भुङ्‌ग्रो हुँदैन, न यहाँ बसेर ताप्‍नलाई आगो हुनेछ।

यर्मिया 13 : 24
24 “मरुभूमिबाट आएको बतासले उड़ाएको भुसझैँ म तँलाई तितरबितर पार्नेछु।

योएल 2 : 5
5 रथहरू कुदेको आवाजझैँ पहाड़का टाकुरामा ती कुद्‌छन्, झिँजामिजाहरूलाई भस्‍म गर्ने आगोका ज्‍वालाको आवाजझैँ, लड़ाइँको निम्‍ति पङ्‌क्ति बाँधेको बलियो सेनाझैँ।

नहूम 1 : 10
10 उनीहरू काँढ़ाहरूका बीचमा अलमलिनेछन्, मद्यको मातले लट्ठिनेछन्‌। उनीहरू सुकेका ठोसाहरूझैँ भस्‍म हुनेछन्‌।

मलाकी 4 : 1
1 “हेर, त्‍यो दिन आउँदैछ। त्‍यो भट्टीझैँ दन्‍कनेछ। सबै हठी र सबै दुष्‍ट काम गर्नेहरू ठुटाझैँ हुनेछन्, र त्‍यो आउने दिनले उनीहरूलाई आगोमा भस्‍म गर्नेछ,” सर्वशक्तिमान्‌ परमप्रभु भन्‍नुहुन्‍छ। “त्‍यसले उनीहरूको एउटै जरा र एउटै हाँगा पनि छोड्‌नेछैन।