zava-pisotro misy alikaola

Ireo no Andininy ao amin’ny Baiboly miresaka momba izany zava-pisotro misy alikaola

Ohabolana 20 : 1
1 Mpaniratsira ny divay, ary mpitabataba ny toaka, Koa izay miraikiraiky azon’izany dia tsy hendry.

Efesiana 5 : 18
18 Ary aza ho mamon-divay hianareo, fa amin’izany dia misy fanaranam-po amin’ny ratsy, fa aoka hofenoina ny Fanahy,

1Timoty 5 : 23
23 Aza misotro rano intsony, fa misotroa divay kely noho ny vava-fonao sy ny fahosaosanao matetika.

Romana 13 : 13
13 Aoka isika hitondra tena tsara toy ny amin’ny andro; tsy amin’ny filalaovan-dratsy, na amin’ny fahamamoana, tsy amin’ny fijangajangana, na amin’ny fijejojejoana, tsy amin’ny fifandirana, na amin’ny fialonana.

Galatiana 5 : 21
21 fialonana, fahamamoana, filalaovan-dratsy, ary ny toy izany, izay lazaiko aminareo rahateo, tahaka ny voalazako fahiny koa, fa izay manao izany dia tsy handova ny fanjakan’Andriamanitra.

Lioka 21 : 34
34 Ary mitandrema, fandrao ny fonareo hovesaran’ny vokatry ny fisotroan-toaka sy ny fahamamoana ary ny fiahiahian’izao fiainana izao, ka ho avy tampoka aminareo tahaka ny fandrika izany andro izany.