zafikeliny

Ireo no Andininy ao amin’ny Baiboly miresaka momba izany zafikeliny

Ohabolana 17 : 6
6 Satroboninahitry ny antitra ny zafiny; Ary voninahitry ny zanaka ny rainy.

Salamo 128 : 6
6 Eny, hahita ny zafinao anie hianao; Fiadanana anie ho amin’ny Isiraely.

Ohabolana 13 : 22
22 Ny tsara fanahy mahenina lova ny zafiny; Fa ny haren’ny mpanota kosa voatahiry ho an’ny marina.

Isaia 59 : 21
21 Raha Izaho, dia izao no fanekeko aminy, hoy Jehovah: Ny Fanahiko Izay ao aminao Sy ny teniko izay nataoko teo am-bavanao Dia tsy hiala amin’ny vavanao, Na amin’ny vavan’ny taranakao, Na amin’ny vavan’ny taranaky ny taranakao, Hatramin’izao ka ho mandrakizay, hoy Jehovah.

Deoteronomia 4 : 9
9 Kanefa kosa mitandrema hianao, ka tandremo tsara ny fanahinao, fandrao hadinoinao ny zavatra izay efa hitan’ny masonao, ary andrao miala amin’ny fonao izany, amin’ny andro rehetra hiainanao, fa ampahafantaro ny zanakao sy ny zafinao izany,

1Timoty 5 : 3 – 4
3 Omeo voninahitra ny mpitondratena izay efa mpitondratena tokoa.
4 Fa raha misy mpitondratena manana zanaka na zafy, aoka ireo hianatra aloha haneho izay toe-panahy araka an’Andriamanitra amin’ny ao an-tranony ka hamaly soa ny rainy aman-dreniny; fa izany no ankasitrahana eo anatrehan’Andriamanitra.

Eksodosy 20 : 5
5 Aza miankohoka eo anatrehany, ary aza manompo azy; fa Izaho, Jehovah Andriamanitrao, dia Andriamanitra saro-piaro ka mamaly ny heloky ny ray amin’ny zanaka hatramin’ny zafiafy sy ny zafindohalika, dia amin’izay mankahala Ahy;