Пра што гаворыць Біблія усё ў меру – Усе біблейскія вершы пра усё ў меру

Гэта біблейскія вершы, якія кажуць пра наступнае усё ў меру

ЭКЛЕЗІЯСТ 3 : 1 – 8
1 Для ўсяго ёсьць свой тэрмін, і час для кожнай рэчы пад небам;
2 Час нараджацца і час паміраць, час садзіць і час вырываць тое, што пасаджана.
3 Час забіваць і час лекаваць, час разбураць і час будаваць.
4 Час плакаць і час сьмяяцца, час галасіць і час танчыць.
5 Час кідаць камяні і час зьбі­раць камяні, час абдымаць і час пазьбягаць абдымкаў.
6 Час шукаць і час губляць, час захоўваць і час пакідаць.
7 Час разьдзіраць і час сшы­ваць, час маўчаць і час гаварыць.
8 Час любіць і час ненаві­дзець, час вайны і час міру.

1 КАРЫНЬЦЯНАЎ 6 : 19 – 20
19 Або вы ня ведаеце, што цела вашае ёсьць бажніца Духа Сьвятога, Які ў вас, Якога вы маеце ад Бога, і што вы не свае?
20 Бо вы купленыя дарагою цаною. Таму слаўце Бога ў целе вашым і ў духу вашым, якія ёсьць Божыя.

1 КАРЫНЬЦЯНАЎ 6 : 12
12 Усё мне можна, але ня ўсё карысна; усё мне можна, але нішто ня будзе валодаць мною.

ЭФЭСЦАЎ 5 : 18
18 І не ўпівайцеся віном, бо ў ім распуста, але напаўняйцеся Духам,

1 ПЯТРА 5 : 8
8 Будзьце цьвярозымі, чувайце, бо супраціўнік ваш, д’ябал, як леў рыклівы, ходзіць, шукаючы, каго праглынуць.

1 ЦІМАФЕЯ 4 : 2 – 5
2 праз крывадушнасьць тых, якія кажуць фальшыва і выпалілі сумленьне сваё,
3 якія забараняюць жаніцца, [кажуць] высьцерагацца ежы, якую Бог стварыў дзеля спажываньня з падзякай вернымі і тымі, што пазналі праўду.
4 Бо ўсякае стварэньне Божае добрае, і нішто ня мае быць адкінутым, што прыймаецца з падзякаю,
5 бо асьвячаецца праз слова Божае і малітву.