дурань

Гэта біблейскія вершы, якія кажуць пра наступнае дурань

ПРЫПОВЕСЬЦІ 18 : 2
2 Дурань ня хоча застанаўляцца, а толькі каб выявіць розум свой.

ПРЫПОВЕСЬЦІ 26 : 19
19 так чалавек, які падманвае бліжняга свайго і кажа: «Гэта я жартую».

ПРЫПОВЕСЬЦІ 29 : 11
11 Дурань выяўляе ўвесь свой дух, а мудры затрымлівае яго на пазьней.

ПРЫПОВЕСЬЦІ 18 : 6
6 Словы дурня прыводзяць да спрэчкі, і вусны ягоныя выклікаюць бойку.

ПРЫПОВЕСЬЦІ 1 : 7
7 Страх перад ГОСПАДАМ — пачатак веданьня. Неразумныя пагарджаюць мудрасьцю і настаўленьнем.

ПРЫПОВЕСЬЦІ 29 : 9
9 Мудры чалавек, судзячыся з неразумным, і злуецца, і сьмяецца, і ня мае спакою.

МАЦЬВЕЯ 5 : 22
22 А Я кажу вам, што ўсякі, хто гневаецца на брата свайго дарэмна, падлягае суду; а хто скажа брату свайму: “Нікчэмны”, падлягае сынэдрыёну, а хто скажа: “Дурань”, падлягае гееньне вогненай.

ПРЫПОВЕСЬЦІ 28 : 26
26 Хто спадзяецца на сэрца сваё, той дурань, а хто ходзіць у мудрасьці, будзе збаўлены.

ПРЫПОВЕСЬЦІ 26 : 3 – 12
3 Пуга — для каня, аброць — для асла, а кій — на сьпіну дурня.
4 Не адказвай дурню паводле дурасьці ягонай, каб ня стаўся ты падобным да яго.
5 Адказвай дурню паводле дурасьці ягонай, каб ня стаўся ён мудрым у вачах сваіх.
6 Падцінае сабе ногі і п’е шкоду сваю той, хто праз рукі дурня слова пасылае.
7 Няроўныя ногі кульгавага, таксама прыказка ў вуснах дурня.
8 Як прывязваць камень да вяроўкі, так аддаваць пашану дурню.
9 Як калючка ў руцэ п’янага, так прыказка ў вуснах дурня.
10 Вяльможны робіць усё: і дурня наймае, і мінака наймае.
11 Як сабака вяртаецца да ванітаў сваіх, так дурань паўтарае дурасьць сваю.
12 Ці бачыў ты чалавека, мудрага ў вачах сваіх? На дурня большая надзея, чым на такога.

ПРЫПОВЕСЬЦІ 10 : 23
23 Радасьць для дурня — учынкі ганебныя, а чалавек разумны [радуецца] мудрасьці.

ЦІТА 3 : 1 – 11
1 Нагадвай ім, каб падпарадкоўваліся і слухаліся начальнікаў і ўлады, былі падрыхтаваныя на ўсякую добрую справу,
2 на нікога ня блюзьнілі, не былі ваяўнічымі, былі спагаднымі і зьяўлялі ўсякую ціхасьць адносна ўсіх людзей.
3 Бо і мы былі некалі бяздумнымі, непакорнымі, падманутымі, служачы пажаданьням і розным асалодам, жывучы ў ліхоце і зайздрасьці, былі паскуднымі, ненавідзячы адзін аднаго.
4 А калі зьявілася ласкавасьць і любоў да людзей Збаўцы нашага, Бога,
5 Ён збавіў нас ня дзеля ўчынкаў праведнасьці, якія мы ўчынілі, але паводле літасьці Сваёй, праз лазьню адраджэньня і абнаўленьня Духам Сьвятым,
6 Якога Ён выліў на нас шчодра праз Ісуса Хрыста, Збаўцу нашага,
7 каб, апраўдаўшыся ласкай Ягонай, мы сталіся праз надзею спадкаемцамі жыцьця вечнага.
8 Вернае слова; і я хачу, каб ты сьцьвярджаў гэта, каб тыя, што вераць Богу, былі старанныя ў выкананьні добрых справаў: гэта добра і людзям карысна.
9 А дурных спрэчак, і радаводаў, і сварак, і звадак адносна Закону пазьбягай, бо яны некарысныя і марныя.
10 Чалавека герэтыка пасьля першага і другога напамінаньня пакінь,
11 ведаючы, што гэтакі разбэсьціўся і грашыць, асудзіўшы самога сябе.

ПРЫПОВЕСЬЦІ 18 : 7
7 Вусны дурня — загуба ягоная, а мова ягоная — пастка для душы яго.

ПРЫПОВЕСЬЦІ 14 : 7 – 9
7 Адыйдзі ад чалавека дурнога, бо ня знойдзеш вуснаў разумных.
8 Мудрасьць разумнага — у разуменьні шляху свайго, а неразумнасьць дурняў — у ашуканстве.
9 Неразумныя сьмяюцца з віны, а пасярод правых — зычлівасьць.

ПРЫПОВЕСЬЦІ 3 : 35
35 Мудрыя атрымаюць у спадчыну славу, а бязглуздыя будуць насіць ганьбу.

ПРЫПОВЕСЬЦІ 17 : 28
28 Таксама неразумны, калі маўчыць, лічыцца мудрым, і калі закрывае вусны свае, разважлівым.

ПРЫПОВЕСЬЦІ 12 : 16
16 Гнеў неразумнага выяўляецца адразу, а разумны хавае зьнявагу.

ПСАЛЬМЫ 14 : 1
1 Кіраўніку хору. Давіда. Сказаў бязглузды ў сэрцы сваім: «Няма Бога!» Сапсаваліся яны і агідныя рэчы робяць, няма таго, хто робіць дабро.

ПРЫПОВЕСЬЦІ 15 : 20
20 Мудры сын — радасьць для бацькі, а дурны чалавек пагарджае маці сваёй.

ПРЫПОВЕСЬЦІ 15 : 21
21 Дурасьць — радасьць для невука, а чалавек разумны ідзе простай дарогай.